上次去拜訪位於台中鹿港小鎮嘅禾火食堂（在地人多數叫秋食堂），係忙碌一日後，品嘗到禾火食堂嘅美味佳餚，疲憊一掃而空。
禾火食堂成立於2018年，主要採用在地及友善生產嘅食材：包括在地巴布薩生態友善農場有機稻米，結合賣相、理念、味道，係一間係鹿港街知巷聞嘅日式定食餐廳🍴
講下佢啲嘢食先～定食套餐嘅種類都幾多，可以選擇海鮮、牛肉、豬肉、雞肉或者蔬食料理，而我哋每樣都有淺嘗，不過以下就會重點講下佢哋主廚推薦嘅特製手打豬肉漢堡排🤤
《小小食評》
-主廚特製手打豬肉漢堡排🥩【TWD$320】
叫得主廚推薦，果然名不虛傳✨特製嘅漢堡肉排配上禾火食堂自製嘅紅酒醬，漢堡排口感紮實之餘，紅酒醬嘅甜味令漢堡排更加惹味，一啖接一啖停唔到口，可以堪稱為世一漢堡排🤣 而佢哋嘅米飯都十分出色，係在地有機稻米嚟㗎🍚 可以支持食在地，又食到好味嘅日式定食，嚟緊12月可以去台灣交流團嘅同學真係有口福啦👻👐🏻
-百香風味氣泡凍飲🍹【TWD$180】
食正餐嘅同時飲杯咁refreshing 嘅氣泡飲，真係好嘆🥹 禾火食堂除咗食品出色，連飲品都唔馬虎😙 入面有蒟蒻果凍、好多百香果果籽，令口感更有層次～
除咗有飲品，佢哋都有手作蛋糕、小菜同單點嘅小食，會去台灣團嘅朋友仔記得留肚大快朵頤😋
📍禾火食堂 @ourshokudo
505台灣彰化縣鹿港鎮復興路318號